Mare e Luna di Salvatore Tolino

Questa poesia di Salvatore Tolino è su di una lapide marmorea a Maiori, la si può trovare poco prima della Torre Normanna.

Sciacqua e risciacqua stu mare
s'accartoccia nterra 'a rena
mette frange attuorno 'e scoglie
po', te piglia 'a luna chiena,
sguazzarianno, ll'arravoglia,
t'a sfrantumma dinto a ll'acqua
ne fa ciento, mille piezze
tutt'argiento, e ll'accarezza,
ll'accarezza mentre 'e sciacqua
sti pezzulle 'e luna chiena
ca miscannele cu ll'acqua
ll'accartoccia nterra 'a rena.